निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमाैली । नेपाली कांग्रेसका केन्द्रीय सदस्य प्रदीप पौडेलले माओवादी एक्लै चुनाव लडे कांग्रेसको बहुमत आउने बताएका छन् । नेपाली कांग्रेस तनहुँले शनिबार दमौलीमा आयोजना गरेको कार्यक्रममा बोल्दै नेता पौडेलले त्रिपक्षीय भिडन्त हुँदा कांग्रेसले बहुमत ल्याउने बताए । तर माओवादीले एक्लै चुनाव नलड्ने पौडेलले बताए ।
“माओवादी एक्लै चुनाव लड्दैन, माओवादी अर्को शक्तिसँग मिलेर लड्छ,” उनले भने, “त्यही कारण पनि कांग्रेसले गठबन्धन गर्नुपरेको छ ।” स्थानीय तह निर्वाचनमा पनि ४३ प्रतिशत ठाउँ मात्रै गठबन्धन भएको पौडेलले बताए । उनले सत्तामा पुगेर लोकप्रिय काम गर्नुपर्ने भन्दै त्यसो गर्न नसकिए सत्तामा गएको अर्थ नरहने बताए ।
