निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
दमौली । पृथ्वीराजमार्ग अन्तर्गत तनहुँको म्याग्दे गाउँपालिका–१ गुणादीमा सोमबार साँझ बस दुर्घटना हुँदा दश जना घाइते भएका छन् । दमौलीबाट पोखरातर्फ जाँदै गरेको ग १ ख ४०२३ नम्बरको बस दुर्घटना हुँदा दश जना घाइते भएका हुन् ।
ओभरटेक गर्ने क्रममा बस दुर्घटना भएको प्रहरीको अनुमान छ । घाइतेहरुलाई उपचारका लागि दमौलीस्थित रत्नहरि अस्पताल पठाइएको ट्राफिक प्रहरी कार्यालय तनहुँका प्रमुख प्रहरी नायब निरीक्षक गोकर्ण नेपालले जानकारी दिए ।
उक्त बस दमौलीबाट कर्मचारी लिएर पोखरा जाँदै थियो । दमौलीस्थित विभिन्न कार्यालयमा कार्यरत कर्मचारीहरु पोखराबाटै आवतजावत गर्ने गर्दथे ।
