निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमाैली । तनहुँका सरकारी अस्पतालमा विद्यार्थीले टिकटमा पचास प्रतिशत छुट पाउने भएका छन् । स्वास्थ्य तथा जनसङ्ख्या मन्त्रीको असोज ९ गतेको निर्णय अनुसार सबै सरकारी अस्पतालमा विद्यार्थीले अोपिडी टिकट शुल्कमा पचास प्रतिशत सहुलियत पाउने भएका हुन् ।
अस्पतालमा उपचार गर्न जाने विद्यार्थीलाई परिचयपत्रको आधारमा ओपिडी टिकट शुल्मा पचास प्रतिशत छुट दिने निर्णय भएको मन्त्रालयले जनाएको छ ।
मन्त्रालयको निर्णय अनुसार जिल्लाको शुक्लागण्डकी नगरपालिकास्थित जिपी कोइराला श्वासप्रश्वास उपचार केन्द्र, दमौली अस्पताल, बन्दीपुर अस्पताल लगायतका सरकारी अस्पतालमा विद्यार्थीले टिकटमा छुट पाउने भएका छन् ।
अखिल क्रान्तिकारी गण्डकीका अध्यक्ष सुदिन पौडेलले आफूहरुले उठाउँदै आएको माग सम्बोधन भएको बताए । “सरकारको निर्णय स्वागतयोग्य छ,” उनले भने ।
