निष्पक्ष र विश्वसनीय खबरको सँगालो 
Khabar Punja
१० मंसिर २०८१, मंगलवार
दमौली । नेपाली कांग्रेस व्यास नगर समिति नगेन्द्र पौडेलले राजिनामा दिएका छन् । पार्टीमा तानाशाही प्रवृत्ति मौलाएको भन्दै पौडेलले शनिबार राजिनामा दिएका हुन् ।
पौडेलले नेपाली कांग्रेस तनहुँका सचिव लक्ष्मीभक्त खनाललाई राजिनामा बुझाएका छन् ।
कांग्रेस आफ्नो आदर्श अनुसार नचलेको, तानाशाह प्रवृत्ति मौलाएको, विवेकहीन नेतृत्व, कार्यकर्तालाई दास बनाउने चरम नेतृत्व रहुन्जेल आफू पार्टीको साधारण सदस्य समेत नरहने पौडेलले बताए ।
पौडेलले मंसिर ४ गते हुने निर्वाचनका लागि तनहुँ क्षेत्र नम्बर १ प्रदेश १ मा स्वतन्त्र रुपमा उम्मेदवारी दर्ता दिने बताएका छन् ।
नेपाली कांग्रेस तनहुँका पूर्व सभापति रघुनाथ पौडेलका छोरा रहेका पौडेलले राजिनामा दिएपछि कांग्रेस वृत्तमा हलचल आएको छ ।
