निष्पक्ष र विश्वसनीय खबरको सँगालो 
Khabar Punja
१४ माघ २०८१, मंगलवार
दुलेगाैडा । मङ्सिर ४ गते हुने निर्वाचनका लागि नेपाली काङ्ग्रेसले क्षेत्र नम्बर २ मा निर्वाचन सम्पर्क कार्यालय स्थापना गरेकाे छ । शुक्लागण्डकी नगरपालिका-६ स्थित खैरेनीटारमा मङ्गलबार निर्वाचन सम्पर्क कार्यालय स्थापना गरिएकाे हाे ।
उक्त कार्यालयकाे नेपाली काङ्ग्रेसका केन्द्रीय सदस्य एवं प्रतिनिधिसभा सदस्य उम्मेदवार शङ्कर भण्डारीले उद्घाटन गरे । साे क्रममा भण्डारीले जनताकाे विश्वास लिएर निर्वाचन जित्ने बताए । तनहुँ क्षेत्र नम्बर २ काे विकासका लागि आफू सधैँ क्रियाशील रहेकाे उनकाे भनाई थियाे ।
कार्यक्रममा तनहुँ प्रदेश १ का उम्मेदवार राजेन्द्रकेशरी न्याैपाने, २ का उम्मेदवार जीतप्रकाश आले, नेकपा माओवादीका केन्द्रीय सदस्य आशा काेइराला लगायतले गठबन्धनका उम्मेदवार विजयी हुने दावी गरे ।
