निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
दमौली । तनहुँको ऋषिङ गाउँपालिका-१ झापुटारमा मोटरसाइकलमा सवार एक महिलाको सल बेरिएर हात चुँडिएको छ । व्यास नगरपालिका-५ पाटनबाट शनिबार झापुटार आउँदै गरेको ग १७ प ३४७२ नम्बरको मोटरसाइकलमा सवार २९ वर्षीया रेनु थापाको हात चुँडिएको हो ।
दिदीको छोरासँग बाइकमा आउँदै गरेकी थापाको बॉया हात कुहिनो भन्दा तलबाट चुँडिएको प्रहरीले जनाएको छ । बाइकमा सवार घाइते थापाकी छोरी र चालक सकुशल छन्। बाइकमा सवार थापा मात्रै बाइकबाट लडेकी थिइन् ।
घाइते थापालाई तत्कालै दमौली अस्पताल ल्याएर उपचार गरिएको छ । थप उपचारका लागि उनलाई हेलिकप्टरबाट काठमाडौ लगिएको प्रहरी नायब उपरिक्षक युवराज खड्काले जानकारी दिए । समयमै उपचार गर्न सकिए हात जोड्न सकिने चिकित्सकले जनाएका छन् ।
