निष्पक्ष र विश्वसनीय खबरको सँगालो 
Khabar Punja
१७ जेष्ठ २०८१, बिहीबार
दमाैली । म्याग्दे गाउँपालिकाले आयाेजना गरेकाे राष्ट्रपति रनिङशिल्डकाे उपािध राधा मावि जामुनेले जितेको छ । बिहीबार सम्पन्न प्रतियाेगितामा विभिन्न विधामा उत्कृष्ट हासिल गर्दै राधाले उपाधि जितेकाे हाे ।
प्रतियाेगितामा मिन मावि द्वितीय र गणपति मावि तृतीय भएकाे छ । प्रथम, द्वितीय र तृतीय हुने विद्यालयले क्रमश: रु २० हजार, रु १५ हजार र रु १० हजार नगद प्राप्त गरेकाे छ ।
प्रतियोगितामा भलिवल, कवड्डी, १०० मिटर दौड, २०० मिटर दौड, ४०० मिटर दौड, ८०० मिटर दौड र १५०० मिटर दौड, रिले दौड १०० र २०० मिटरको, हाईजम्प, लङ्गजम्प, त्रिपल जम्प, छेलो हान्ने र भाला फाल्ने खेल सञ्चालन गरिएकाे थियाे ।
विजेतालाई पुरस्कार वितरण गर्दै गाउँपालिकाका अध्यक्ष श्रीप्रसाद श्रेष्ठले विद्यालय स्तरदेखि नै खेल खेल्दा वृद्धि विकासमा सहयाेग पुग्ने बताए ।
उपाध्यक्ष बालकृष्ण घिमिरेले गाउँपालिकाले खेल क्षेत्रलाई प्राथमिकता दिने बताए ।
