निष्पक्ष र विश्वसनीय खबरको सँगालो 
Khabar Punja
१६ मंसिर २०८१, सोमबार
दमाैली । राष्ट्रिय स्वतन्त्र पार्टीका तर्फबाट तनहुँ-१ का उम्मेदवार डा. स्वर्णिम वाग्लेले मतदातासँग भेटघाटलाई तीव्र बनाएका छन् । शनिबार आँबुखैरेनी र देवघाटमा चुनावी सभामा सहभागी भएका वाग्लेले आइतबार देवघाट र दमाैलीमा आयाेजित कार्यक्रममा सहभागी भए ।
वाग्लेले देवघाटमा मतदातासँग भेटघाट गर्दै तनहुँका लागि गर्व गर्न लायक सांसद बन्ने बताए । साे क्रममा वाग्लेले गलेश्वर आश्रम , महेश्वर आश्रम , चक्रवति मन्दिर, मुकुन्देश्वर महादेव, दिव्य चक्रशिला , मणिमुकुन्देश्वर तथा धार्मिक उद्यानको दर्शन अवलोकन, साधु महात्माहरुसँग भेटघाट तथा पुजाआजा गरेका थिए ।
त्यस्तै वाग्लेले आइतबार नै दमाैलीमा उद्याेगी व्यवसायीसँग छलफल गरेका छन् । त्यसक्रममा उनले देशको बिग्रदो अर्थतन्त्र र यो अवस्थाबाट कसरी अर्थतन्त्रलाई उकास्न सकिन्छ भन्ने विषयमा अन्तरक्रिया गरेका थिए ।
