निष्पक्ष र विश्वसनीय खबरको सँगालो 
Khabar Punja
२७ कार्तिक २०८१, बुधबार
काठमाडौ । आईसीसी पुरुष टी-२० विश्वकप एशिया क्वालिफायर फाइनल २०२३ अन्तर्गत आज नेपाल र ओमन भिड्दै छन्।
प्रतियोगिताको उपाधिका लागि यी दुई टोलीबीच हुने खेल बिहान ११ बजेबाट शुरू हुनेछ। खेल कीर्तिपुरस्थित त्रिवि क्रिकेट मैदानमा हुनेछ।
यसअघि भएको सेमिफाइनल खेलमा नेपालले यूएईलाई आठ विकेटले हराएको थियो भने ओमनले बहराइनलाई १० विकेटले हराएको थियो। उक्त जितसँगै नेपाल र ओमन सन् २०२४ मा अमेरिका र वेस्ट इन्डिजमा हुने टी-२० विश्वकपमा छनोट भएका थिए।
यही प्रतियोगिता अन्तर्गतै गत बिहीबार ओमनले नेपाललाई समूह चरणको अन्तिम खेलमा पाँच रनले पराजित गरेको थियो। आज नेपाललाई उक्त हारको बदला लिने अवसर छ भने ओमनलाई प्रतियोगितामा आफ्नो अपराजित यात्रा कायम राख्ने अवसर छ।
