निष्पक्ष र विश्वसनीय खबरको सँगालो 
Khabar Punja
२६ बैशाख २०८१, बुधबार
काठमाडौ । दक्षिण अमेरिकी क्षेत्रको सबैभन्दा ठूलो फुटबल प्रतियोगिता कोपा अमेरिका २०२४ ड्र सार्वजनिक भएको छ । आज बिहान कोपा अमेरिका २०२४ ड्र सार्वजनिक भएको हो ।
प्रतियोगितामा सहभागी हुने टिमलाई चार समूहमा बाँडिएको छ । समूह ए मा अर्जेन्टिनासहित पेरु र चिलीलगायत पाँच राष्ट्र छन् । यस्तै समूह बी मा मेक्सिको र भेनेजुयलासहित चार टोली छन् ।
समूह सीमा अमेरिका र उरुग्वेसहित चार देश छन् भने समूह डीमा ब्राजिलसहित चार टोली रहनेछन् । समूह डीमा रहने एक टोलीको टुंगो लाग्न बाँकी छ ।
प्रतियोगिता अमेरिकाका विभिन्न १४ सहरमा आयोजना हुँदैछ । दक्षिण अमेरिकी फुटबल महासंघले प्रतियोगिताका लागि १४ सहर सार्वजनिक गरेको छ ।
फाइनल खेल फ्लोरिडाको मायामी गार्डेनसस्थित हार्ड रक स्टेडियममा हुनेछ । पहिलो सेमिफाइनल न्यु जर्सीको मेटलाइफ स्टेडियममा सञ्चालन गरिनेछ । अर्को सेमिफाइनल नर्थ क्यारोलिनामा रहेको बैङ अफ अमेरिका स्टेडियममा हुनेछ ।
क्वाटरफाइनलका खेलहरू आर्लिङटन, हस्टन, लास भेगस र ग्लिनडेलमा गरिने महासंघले जनाएको छ ।
अर्जेन्टिना साविक विजेता हो । सन् २०२१ मा घरेलु टोली ब्राजिललाई पराजित गर्दै लियोनल मेसीको टोलीले २८ वर्षपछि पहिलो पटक मुख्य प्रतियोगिताको उपाधि जितेको थियो ।
