निष्पक्ष र विश्वसनीय खबरको सँगालो 
Khabar Punja
१५ बैशाख २०८१, शनिबार
दमौली । पोखराबाट पाल्पाको रामपुर जादै गरेको यात्रुवहाक जीप दुर्घटनामा परेको छ ।
तनहुँको भीमाद नगरपालिका-३ र ५ को सीमाना शेर्कामा विहान साढे ९ बजे दुर्घटना भएको हो ।
ग १ ज ७५३४ नम्बरको जीप घुम्ती सडकबाट करिब डेढ सय मिटरतल खसेको छ ।
जीपमा सवार चालकसहित १२ जनाको उद्धार गरेको इलाका प्रहरी कार्यालय बेलचौताराका प्रहरी निरीक्षक गणेश सुवेदीले बताए ।
घाइतेको उद्धार गरेर बेलचौतारास्थित जिपी कोइराला राष्ट्रिय श्वासप्रश्वास उपचार केन्द्रमा ल्याइएको छ । थप उपचारका लागि ३ जनालाई पोखरा रेफर गरेको उनले जानकारी दिए ।
‘चालकका अनुसार ११ जना यात्रु थिए भन्नेछ । अझै अरु पनि छन् कि भनेर घटनास्थलमा खोजतलास भइरहेको छ’, प्रहरी निरीक्षक सुवेदीले भने ।
