निष्पक्ष र विश्वसनीय खबरको सँगालो 
Khabar Punja
१८ बैशाख २०८१, मंगलवार
दमाैली । ८९४ एम्पुल लागुऔषधसहित तनहुँबाट एक युवक पक्राउ परेका छन् । गएराती प्रहरीले सवारी चेकजाँचको क्रममा आँबुखरैनी गाउँपालिका–४ बेनिटारबाट पक्राउ गरेको हो ।
मुग्लिनबाट पोखरातर्फ आइरहेको ग १ ख २९६ नम्बरको बस रोकेर चेकजाँच गर्दा रुपन्देहीको सम्मरीमाइ गाउँपालिका–२ घर बताउने ३६ वर्षीय सलिम धनियालाई पक्राउ गरेको जिल्ला प्रहरी कार्यालय तनहुँले जानकारी दिएको छ ।
शंका लागेर खानतलासी गर्दा सलिमको साथबाट डाइजापाम, फेनेरागन, नुर्फिन २९८÷२९८ थान बरामद भएको छ ।
पक्राउ परेका सलिमलाई जिल्ला अदालत तनहुँबाट ७ दिनको म्याद थपेर अनुसन्धान पक्रिया अगाडि बढाएको प्रहरीले जनाएको छ ।
