निष्पक्ष र विश्वसनीय खबरको सँगालो 
Khabar Punja
२८ कार्तिक २०८१, बिहीबार
दमौली । जिल्ला प्रहरी कार्यालय तनहुँले लागुऔषध मुद्धामा फरार तीन जनालाई पक्राउ गरेको छ । तनहुँ अदालतबाट विभिन्न मुद्धामा दोषी ठहर भई कैद फैसला भएका तीन फरार प्रतिवादीलाई पक्राउ गरिएको प्रहरीले जनाएको छ ।
पक्राउ पर्नेमा भानु नगरपालिका-१३ सतिस्वारा बस्ने १९ वर्षीय निर्मल गुरुङ, बन्दीपुर-१ बस्ने ३९ वर्षीय शिवकुमार श्रेष्ठ र बन्दीपुर-१ बस्ने ३३ वर्षीय लालबहादुर सुसलिङ रहेका छन् ।
निर्मललाई तनहुँ अदालतले विसं २०७९ पुस २४ गते ४ महिना २३ दिन कैद सुनाएको थियो ।
शिवलाई अदालतले विसं २०७८ चैत २३ गते १ महिना कैद र दुई हजार जरिवानाको फैसला सुनाएको थियो ।
लालबहादुरलाई तनहुँ अदालतले विसं २०७९ चैतमा १ महिना २० दिन कैद र दुई हजार जरिवानाको फैसला सुनाएको थियो ।
