निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
दमाैली । जिल्ला प्रशासन कार्यालय तनहुँमा सेवा लिन आएका ज्येष्ठ नागरिकलाई खाना खुवाउने अभियान अन्तर्गत दोस्रो दिन तीन सयलाई सेवा दिइएको छ ।
युवा अभियान्ता सुदीप गफ्फारले खाना खुवाउने अभियान अन्तर्गत आइतबार तीन सयलाई खाना खुवाइएको हो । गफ्फारको अभियान शुक्रबारदेखि सुरु भएको थियो ।
राष्ट्रिय परिचयपत्रका लागि बिहान ६ बजेदेखि आएका सर्वसाधारणलाई गफ्फारले शुक्रबारदेखि खाना खुवाउन थालेका हुन् ।एकाबिहानैदेखि कार्यालयमा आएर घण्टौसम्म पनि सेवा नपाउने अवस्था रहेको र भोकभोकै बस्नुपर्ने बाध्यता रहेकाले खाना खुवाउने व्यवस्था मिलाएको उनले बताए ।
उनले भने, “बुबाआमाहरु टाढा टाढाबाट बिहान ४÷५ बजेदेखि प्रशासन कार्यालय आइरहनुभएको छ । उहाँहरुलाई खाना खाने समय पनि नमिलेको भएर निःशुल्क खाना खुवाउने व्यवस्था मिलाइएको छ ।”सहज रुपमा राष्ट्रिय परिचयपत्र प्राप्त नभइन्जेल र ज्येष्ठ नागरिकलाई खानाको समय नमिल्दासम्म खाना खुवाउने उनको भनाइ छ ।
