निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमौली । यसवर्षको एसईईमा ४ जिपिए ल्याएर तनहुँ प्रथम भएकी भानुकी रञ्जिला क्षेत्रीले सरकारी विद्यालयमा राम्रो पढाई हुँदैन भन्नु गलत रहेको बताएकी छन् ।
भानु नगरपालिका-२ स्थित होमराज लोहनी शारदा शिक्षा सदनले आयोजना गरेको सम्मान कार्यक्रममा उनले सरकारी विद्यालयमा अध्ययन गर्ने विद्यार्थीले पनि राम्रो नतिजा ल्याउन सक्ने बताइन् । उनले भनिन्, ‘त्यसको ज्वलन्त उदाहरण एसईई नतिजा हो । सरकारी विद्यालयबाट राम्रो नतिजा हासिल गर्न सकिन्छ । त्यसका लागि मिहिनेत गर्नुपर्छ ।’
एसईईमा उत्कृष्ट नतिजा ल्याउन प्रेरित गर्ने घरपरिवार, विद्यालय परिवारलाई उनले धन्यवाद दिइन् । उनले भनिन्, ‘मलाई पढाउनुहुने गुरुवर्गको मिहिनेतले मैले यो नतिजा हासिल गर्न सकेकी हुँ ।
