निष्पक्ष र विश्वसनीय खबरको सँगालो 
Khabar Punja
१८ आश्विन २०८१, शनिबार
दमाैली । तनहुँको म्याग्दे गाउँपालिका–२ जामुनेमा लागुऔषध सहित दुई जना पक्राउ परेका छन् । पक्राउ पर्नेमा ललितपुरको गोदावरी नगरपालिका–१४ बस्ने २४ वर्षीय रोमन मगर र सर्लाही इश्वरपुर नगरपालिका–२ बस्ने २६ वर्षीय विशाल विसुन्खे रहेको जिल्ला प्रहरी कार्यालय तनहुँले जनाएको छ ।
बिहीबार साँझ ७ः५० बजेको समयमा दमौलीतर्फबाट पोखरा जाँदै गरेको बा ५९ प ८०२९ नमबरको मोटरसाइकल जाँच गर्ने क्रममा मोटरसाइकलमा सवार मगरको साथबाट दुई सय १० थान ट्रामाडोल बरामद भएको प्रहरीले जनाएको छ । प्रहरीले दुवै जनालाई शुक्रबार तनहुँ जिल्ला अदालतबाट म्याद थप गरेको छ ।
