निष्पक्ष र विश्वसनीय खबरको सँगालो 
Khabar Punja
५ मंसिर २०८१, बिहीबार
दमाैली । संविधान दिवसको सार्वजनिक बिदाको अवसरमा प्रदर्शनमा आएकाे नेपाली चलचित्र खुस्मा हेर्न दमाैलीस्थित क्युएफएक्समा दर्शककाे भीड लागेकाे छ । धीरज मगर र उपासना सिंह ठकुरी अभिनित फिल्मले दशक लामो सशस्त्र द्वन्द्वको कालखण्डको प्रेमकथा भन्छ ।
एपेक्स मलमा रहेकाे क्युएफएक्समा पहिलाे दिनकाे अकुपेन्सी सुखद रहेकाे छ । क्युएफएक्सका प्रबन्धक उज्ज्वल भट्टराईले पहिलाे शाे हाउसफुल र अन्य शाेमा ९७ प्रतिशत अकुपेन्सी रहेकाे जानकारी दिए ।
फिल्मका तीन मुख्य पात्र खुस्मा, जेमी र मनेको त्रिकोणात्मक प्रेमकथा यसमा छ । द्वन्द्वमा बेपत्ता पारिएका परिवारको कथावस्तु पनि यसमा छ । १४६ मिनेट लामो फिल्मले युनिभर्सल सर्टिफिकेट प्राप्त गरेको छ ।
फिल्मको गीत ‘रुकुम मैकोट’ले युट्युबमा एक करोड भ्युज प्राप्त गरेको छ । चलिचित्र रिलिजपूर्व नै गीत निकै चर्चित बनेकाे थियाे ।
