निष्पक्ष र विश्वसनीय खबरको सँगालो 
Khabar Punja
४ माघ २०८१, शनिबार
दमौली । युवा अभियान्ता सुदीप गफ्फारको नेतृत्वमा व्यास नगरपालिका-५ पाटनस्थित पराशर पार्क सरसफाई गरिएको छ ।
निर्माण भएर अलपत्र बनेको उक्त पार्क वेवारिसे भएर फोहर भएपछि गफ्फारले गत हप्ताको शनिबारदेखि यहॉ सरसफाई गरिरहेका छन् । दोस्रो शनिबार आज पनि उनले यहॉ सरसफाई गरेका छन् ।
उनले भने, ‘यस ठाउँ धार्मिक तथा पर्यटकीय हिसाबले महत्वपूर्ण छ । तर यस ठाउँ दुर्गन्धित देखेपछि सरसफाई अभियान चलाएका छौ ।’ गफ्फारको अभियानलाई केही युवाहरुले साथ दिएका छन् । पार्क सफा नभएसम्म प्रत्येक शनिबार सरसफाई गरिरहने उनको भनाई छ ।
