निष्पक्ष र विश्वसनीय खबरको सँगालो 
Khabar Punja
२७ चैत्र २०८१, शुक्रबार
दमौली, २३ चैत । नेपाल बार एसोसिएसन २७ औ केन्द्रीय कार्यसमितिको निर्वाचनका लागि तनहुँमा मतदान सुरु भएको छ। तनहुँ जिल्ला अदालत बार इकाइमा शनिबार बिहान ८ बजेबाट मतदान सुरु भएको हो ।
तनहुँबाट तनहुँ सहित लमजुङ र गोरखाका ६७ कानुन व्यवसायीले मतदान गर्ने नेपाल बार एसोसिएसन तनहुँ इकाइका अध्यक्ष डम्बरदेव हड्खलेले जानकारी दिए।
उनका अनुसार तनहुँमा ४८, गोरखामा नौ र लमजुङमा दश जना मतदाता छन् ।
बार एसोसिएसनको निर्वाचनमा बृहत लोकतान्त्रिक, प्रगतिशील, पेसागत, राष्ट्रवादी एवं समावेशी कानुन व्यवसायी समूहबाट वरिष्ठ अधिवक्ता प्राडा विजयप्रसाद मिश्र र व्यावसायिक कानुन व्यवसायी समूहबाट वरिष्ठ अधिवक्ता रमनकुमार श्रेष्ठबीच प्रतिस्पर्धा हुँदैछ ।
