निष्पक्ष र विश्वसनीय खबरको सँगालो 
Khabar Punja
१६ जेष्ठ २०८२, शुक्रबार
दमाैली, २५ चैत । तनहुँको व्यास नगरपालिका–३ प्रशासनचोकस्थित नर्सरी साउनदेखि हटाइने भएको छ । जिल्ला समन्वय समिति तनहुँले आगामी साउन १ गतेदेखि उक्त नर्सरीको म्याद नगर्ने निर्णय गरेको हो ।
जिल्ला समन्वय समितिले लगाइएको उक्त जग्गाको भाडा सम्झौताको म्याद विसं २०८२ असार मसान्तसम्म कायम रहेकामा साउन १ गतेदेखि सम्झौताको म्याद थप नगर्ने र हाल जग्गामा भाडामा लिई नर्सरी सञ्चालन गर्दै आएका सञ्चालकलाई उक्त जग्गा साउन १ गतेबाट अनिवार्य छाड्नका लागि अग्रिम जानकारी गराउने निर्णय गरेको हो ।
साउन १ गतेदेखि खाली हुने उक्त जग्गाको उचित संरक्षण गराई नगरको सौन्दर्यता कायम रहने गरी आगामी वर्षको योजनामा समावेश गराई व्यवस्थापन गर्नका लागि व्यास नगरपालिकालाई अनुरोध गर्ने निर्णय भएको छ ।
समन्वय समितिको उत्तरपूर्वमा रहेको साविक फराकचौर ९÷ग कित्ता नं. ३२१ को जग्गा व्यवस्थापन गर्ने क्रममा तत्कालिन जिल्ला विकास समिति तनहुँले भाडामा दिई आन्तरिक आय प्राप्त गर्दै आएकामा समन्वय समितिले त्यसलाई निरन्तरता दिएको थियो ।
