निष्पक्ष र विश्वसनीय खबरको सँगालो 
Khabar Punja
८ बैशाख २०८२, मंगलवार
दमौली, १ वैशाख । तनहुँको म्याग्दे गाउँपालिका-१ फुस्रेखोलामा गत चैत ३० गते भएको दुर्घटना पश्चात् फरार टिप्पर चालक पक्राउ परेका छन् ।
पक्राउ पर्नेमा म्याग्दे गाउँपालिका-३ बस्ने २९ वर्षीय रोशन श्रेष्ठ जिल्ला प्रहरी कार्यालय तनहुँले जनाएको छ ।
ग १ ख ५८७५ नं. को टिप्पर र ग २५ प ५५२२ नं. को स्कुटर ठक्कर खाई दुर्घटना हुँदा स्कुटर चालक व्यास नगरपालिका-६ बस्ने १८ वर्षीय मनिष आले मगरको मृत्यु भएको थियो भने १५ वर्षीया अनिशा आलो मगर घाइते भएकी थिइन् ।
दुर्घटना भए पश्चात् फरार रहेका श्रेष्ठलाई तनहुँ जिल्ला अदालतबाट पक्राउ अनुमति लिइ सोमबार पक्राउ गरिएको प्रहरी नायब उपरिक्षक अशोक थापाले जानकारी दिए ।
