निष्पक्ष र विश्वसनीय खबरको सँगालो 
Khabar Punja
८ जेष्ठ २०८२, बिहीबार
दमौली, ३ वैशाख । पृथ्वीराजमार्ग अन्तर्गत तनहुँको आँबुखैरेनी गाउँपालिका–४ डम्पिङमा बुधबार दिउँसो तरकारी बोक्ने जीप र स्कूटर ठोक्किदा एक जनाको मृत्यु भएको छ । मृत्यु हुनेमा आँबुखैरेनी गाउँपालिका–३ का २० वर्षीय रुपेश गुरुङ रहेको जिल्ला प्रहरी कार्यालय तनहुँले जनाएको छ ।
आँबुखैरेनीबाट मुग्लिनतर्फ जाँदै गरेको ना ४ च ८३९० नम्बरको तरकारी बोक्ने जीप र विपरित दिशाबाट आउँदै गरेको ग १६ प १५७० नम्बरको स्कूटर ठोक्किदा घाइते गुरुङको चितवन मेडिकल कलेजमा उपचार क्रममा मृत्यु भएको प्रहरी नायब उपरिक्षक अशोक थापाले जानकारी दिए ।
दुर्घटनामा स्कूटरमा सवार आँबुखैरेनी गाउँपालिका–३ का १९ वर्षीय रोहन मगर घाइते भएका छन् । उनको चितवन मेडिकल कलेजमा उपचार भइरहेको प्रहरीले जनाएको छ ।
