निष्पक्ष र विश्वसनीय खबरको सँगालो 
Khabar Punja
९ श्रावण २०८२, शुक्रबार
दमौली, ११ असार । पछिल्लो समय विद्युतीय सवारी साधन दुर्घटना बढेपछि इलाका प्रहरी कार्यालय ऑबुखैरेनीले सवारी चालकलाई सचेतना जगाउन थालेको छ।
पृथ्वीराजमार्गमा सञ्चालन हुने विद्युतीय सवारी साधनका चालकलाई प्रहरीले बुधबार सचेतनामूलक कार्यक्रम गरेको छ ।
विद्युतीय सवारी साधनको प्रयोगकर्ताको संख्या तीव्र गतिमा बढ्दै गइरहेको र दुर्घटनामा विद्युतीय सवारीहरूको संलग्नता पनि क्रमशः बढिरहेको सन्दर्भमा दुर्घटनाबाट सम्भावित जोखिमलाई न्यूनीकरण गर्न र सुरक्षा सचेतना अभिवृद्धि गर्ने उद्धेश्यले सचेतनामूलक कार्यक्रम गरिएको प्रहरी निरीक्षक टेकप्रसाद सुवेदीले जानकारी दिए ।
सुवेदीले विद्युतीय सवारी साधनको संरचना र विशेषता, पछिल्लो समय बढेका दुर्घटनाका प्रमुख कारणहरू, दुर्घटना न्यूनीकरणका उपायहरू र चालक, सहचालक र यात्रुले अपनाउनु पर्ने सावधानी र सतर्कताका विषयमा जानकारी गराएका थिए ।
