निष्पक्ष र विश्वसनीय खबरको सँगालो 
Khabar Punja
१ मंसिर २०८२, सोमबार
दमाैली, २६ असार । कृषि ज्ञान केन्द्र तनहुँ र भेटेरीनरी अस्पताल तथा पशु सेवा विज्ञ केन्द्रकाे आयाेजनामा बिहीबार सार्वजनिक सुनुवाइ सम्पन्न भएकाे छ । दुवै कार्यालयले चालु आर्थिक वर्ष २०८१/८२ मा सम्पादित कार्यका बारेमा जानकारी दिन सार्वजनिक सुनुवाइ गरेका हुन् ।
कार्यक्रममा कृषि ज्ञान केन्द्रका प्रमुख गाेपाल शर्मा लामिछानेले कार्यालयले एक वर्षमा गरेका कामका बारेमा जानकारी गराए । कार्यालयले सङ्घतर्फबाट विनियाेजित बजेटमध्ये ६१.३४ प्रतिशत वित्तीय प्रगति गरेकाे छ भने प्रदेशतर्फ ७५.१३ प्रतिशत प्रगति गरेकाे छ ।
सङ्घ र प्रदेश गरी वार्षिक खर्च प्रतिशत ७४.८१ प्रतिशत रहेकाे उनले जानकारी दिए । चालु र पुँजीगत गरी रु सात कराेड ७६ लाख २१ हजार विनियाेजन भएकामा रु पाँच कराेड ८० लाख ६९ हजार खर्च भएकाे साे अवसरमा जानकारी दिइयाे ।
त्यस्तै भेटेरीनरी अस्पताल तथा पशु सेवा विज्ञ केन्द्र प्रमुख रविनसन अधिकारीले सङ्घ र प्रदेशकाे गरी कूल ५६.३६ प्रतिशत प्रगति भएकाे जानकारी दिए । प्रदेश सरकारका सशर्त अनुदानतर्फ ५५.९८ र सङ्घ सरकार सशर्त अनुदानतर्फ ७०.१९ प्रतिशत प्रगति भएकाे उनले उल्लेख गरे ।
