निष्पक्ष र विश्वसनीय खबरको सँगालो 
Khabar Punja
१६ पुष २०८२, बिहीबार
काठमाडौ, १९ असोज । लगातारको अविरल वर्षाका कारण देशभरका विभिन्न प्रमुख तथा सहायक सडकहरू अवरुद्ध भएका छन् । आज बिहान ९ बजेसम्मको रिपोर्टअनुसार १९ स्थानमा सडक अवरुद्ध भएको छ ।
काठमाडौं उपत्यका र आसपासका मुख्य सडकहरूमा समस्या
नागढुङ्गा–गोदाम–टखेल सडकखण्ड (काठमाडौं हुँदै धादिङ/मकवानपुर): १८ असोजदेखि अर्को सूचना नआएसम्मका लागि दुवैतर्फ सवारी साधन रोकिएको ।
फाखेल–हुमाने–काठमाडौं सडकखण्ड (मकवानपुर): १८ असोजको दिउँसो १:०० बजे पहिरो खसेर पूर्ण अवरुद्ध ।
कुलेखानी–सिस्नेरी–दक्षिणकालि–काठमाडौं सडकखण्ड: १८ असोजको साँझ ३:३५ बजे खोलाको बहाब बढ्दा बाटो पूर्ण रूपमा बन्द ।
कान्ति लोकपथ (बागमती गाउँपालिका– ३ टाकुचे): माथिबाट पहिरो आएर दुवैतर्फको सवारी ठप्प ।
बीपी र अरनिको राजमार्ग
बीपी र अरनिको राजमार्ग (काभ्रे – धुलिखेल–दोलालघाट–सिन्धुपाल्चोक सिमाना): १८ असोजको बिहान ८:३० बजेदेखि अनिश्चितकालीन रूपमा बन्द ।
अरनिको राजमार्ग (भोटकोशी गा.पा.– ४ चारकिलो): १८ असोजको बिहान पुनः सडक भासिएर पूर्ण अवरोध । साना सवारीहरूलाई अस्थायी रूपमा खोलिएको भए पनि पुनः बन्द ।
बीपी राजमार्ग (काभ्रे – रोशी गा.पा. ११): माटो र ढुंगा खस्दा बाटो दुवैतर्फ अवरुद्ध ।
बीपी राजमार्ग: १६ असोजदेखि २१ गतेसम्म (६ दिन) साँझ ५:०० देखि बिहान ५:०० बजेसम्म पूर्णरूपमा बन्द ।
रसुवा जिल्लामा सडक र सीमा पुलमा क्षति
मितेरी पुल (नेपाल–चीन सीमा): २४ असारमा आएको बाढीले पुलमा क्षति, आवतजावत ठप्प ।
पासाङ ल्हामु राजमार्ग (रसुवा – घट्टेखोला, बालुवाखानि, तातोपानी): सुख्खा पहिरो र ढुंगा खस्दा पूर्ण अवरोध ।
संखुवासभा र कोशी राजमार्ग
कोशी राजमार्ग–बरुणखोला (भोटखोला गा.पा. ४): बाढीले ह्युमपाइप बगाउँदा खाँदबारी–थुमसुर सडक खण्ड पूर्ण अवरुद्ध ।
खाँदबारी–किमाथांका सडक (मकालु गा.पा. ३ एकुवा): १५ भदौदेखि पहिरो खस्दा बाटो पूर्ण अवरोध ।
अन्य लोकमार्ग र राजमार्गहरू
सिद्धिचरण लोकमार्ग (ओखलढुंगा): मानेभञ्ज्याङ गाउँपालिका ६–७ सिमानास्थित भँडारे खोलामा बाढीले करिब १० मिटर सडक बगाएको ।
नारायणगढ–मुग्लिङ सडकखण्ड (चितवन–इच्छाकामना): नाम्चे खोला र तुइनखोला क्षेत्रमा पहिरो खस्दा एकतर्फी बाटो बन्द ।
पृथ्वी राजमार्ग (धादिङ–गजुरी, बेनिघाट रोराङ): गजुरी–जहरेखेत र जवाङखोला क्षेत्रमा पहिरो खसेर दुवैतर्फ सवारी रोकिएको ।
मध्यपहाडी लोकमार्ग (धनकुटा–दिकुरे): सडक भासिएर पूर्णरूपमा बन्द ।
मध्यपहाडी लोकमार्ग (सिन्धुली–नागस्थान, फिक्कल गा.पा. ६): माटो, ढुंगा र लेदोसहितको पहिरोले बाटो बन्द ।
मध्यपहाडी लोकमार्ग (सिन्धुली – मरिण गा.पा. २ सिन्दुरे दोभान): अविरल वर्षाले पहिरो खस्दा बाटो दुईतर्फी अवरुद्ध ।
कोशी लोकमार्ग (धनकुटा – साँगुरीगढि गा.पा. १, ६): चनौटे, घण्टे र सिमसुवा गरी तीन स्थानमा पहिरो खसेर बाटो बन्द ।
