निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
काठमाडौ, ११ मंसिर । नेपाल प्रिमियर लिग(एनपीएल) अन्तर्गत जारी खेलमा पोखरा एभेन्जर्सले जनकपुर बोल्ट्सलाई मध्यम विजयी लक्ष्य प्रस्तुत गरेको छ । कीर्तिपुरस्थित टियु क्रिकेट मैदानमा जारी खेलमा पोखराले जनकपुरलाई १ सय ५६ रनको विजयी लक्ष्य प्रस्तुत गरेको हो ।
टस जितेर पहिले ब्याटिङमा उत्रिएको पोखराले निर्धारित २० ओभरमा ६ विकेटको क्षतिमा १ सय ५५ रन बनाएको हो । पोखराको लागि सुमित वर्माले अर्धसतक बनाए । उनले २९ बलमा ४ छक्का र दुई चौका हिर्काए । यस्तै दिनेश खरेलले ३८, त्रितराज दासले २९ र इदम रोसिङटनले २४ रन बनाए ।
जनकपुरको लागि संजय कृष्णमुर्तीले ४ ओभरमा २१ रन दिएर तीन विकेट लिँदा ललित राज्वंधी र अनिल शाहले समान एक/एल विकेट लिए ।
अब जनकपुरले जवाफी ब्याटिङ गर्नेछ ।
