निष्पक्ष र विश्वसनीय खबरको सँगालो 
Khabar Punja
१९ मंसिर २०८२, शुक्रबार
दमौली, ११ मङ्सिर । व्यास नगरपालिका-१२ भड्खाला निवासी दृष्टिविहिन दम्पत्तिका दुई महिनाका शिशुको उपचारका लागि सामाजिक अभियान्ता सुदीप गफ्फारले सहयोग गरेका छन् । आर्थिक रुपमा विपन्न शिशुको उपचारका लागि गफ्फारले आर्थिकसँगै अस्पतालमा निशुल्कको समेत व्यवस्था मिलाएका छन्।
स्वास्थ्यमा समस्या आएपछि सुरुमा ती शिशुलाई दमौली अस्पताल ल्याइएको थियो । थप उपचारका लागि पोखरा लैजान चिकित्सकको सुझावपछि हाल जिएमसी अस्पताल पोखरामा उपचार भइरहेको छ । जिएमसीले शिशुको सम्पूर्ण उपचार निशुल्क गर्ने प्रतिबद्धता जनाएको छ ।
गफ्फारको सक्रियतामा हालसम्म ६७ हजार रकम संकलन भएको छ । उनका अनुसार अमेरिकाबाट ३० हजार, अष्ट्रेलियाबाट १५ हजार, दमौली मुस्लिम समाजबाट १० हजार, अन्य १२ हजार संकलन भएको छ ।
