निष्पक्ष र विश्वसनीय खबरको सँगालो 
Khabar Punja
२८ पुष २०८२, मंगलवार
दमौली, २९ पुस । तनहुँ उद्योग वाणिज्य संघको १८औँ महाधिवेशनबाट सर्वसम्मत नेतृत्व चयन भएको छ । निर्वाचन प्रकृया अन्तर्गत पदाधिकारीमा उम्मेदवारी दिएकाहरुले उम्मेदवारी फिर्ता लिएसँगै सम्पूर्ण पदाधिकारी सर्वसम्मत निर्वाचित भएका हुन् ।
संघको अध्यक्षमा इमकुमार मल्ल निर्वाचित भएका छन् । अध्यक्षमा मल्लको मात्रै उम्मेदवारी परेको थियो ।
वरिष्ठ उपाध्यक्षमा सुवोध अधिकारी, प्रथम उपाध्यक्षमा दिनेशकुमार श्रेष्ठ र द्वितीय उपाध्यक्षमा भीमलाल श्रेष्ठ निर्वाचित भएका छन् ।
यस्तै, कोषाध्यक्ष पदमा शिवओम मल्ल निर्वाचित भएका छ भने वस्तुगत सदस्यतर्फ अधिकृत विक्रेता संघ तनहुँ (लालप्रसाद प्रधान) निर्वाचित भएका छन् ।
