निष्पक्ष र विश्वसनीय खबरको सँगालो 
Khabar Punja
१२ माघ २०८२, सोमबार
दमौली, १० माघ ।निर्वाचन प्रहरी भर्ना प्रक्रियामा अपेक्षित संख्यामा आवेदन नपुगेपछि पुनः आवेदन आह्वान गरिएको छ। जिल्ला प्रहरी कार्यालय तनहुँले पुन: आवेदन माग गरेकामा शनिबार १९२ जनाले आवेदन दिएको जिल्ला प्रहरी कार्यालय तनहुँले जनाएको छ ।
आज दर्ता भएका आवेदकमध्ये महिला ६७ जना र पुरुष १२५ जना रहेका छन्। फारम दर्ता गर्ने समयसीमा आइतबारसम्म रहेकाले इच्छुक उम्मेदवारलाई आवेदन दिन आग्रह गरिएको छ।
जिल्लाका लागि कुल १ हजार ५७३ जना निर्वाचन प्रहरी आवश्यक रहेकामा हालसम्मको आवेदन संख्या आवश्यकताभन्दा कम भएपछि पुनः आवेदन माग गरिएको हो। यसअघि सम्पन्न शारीरिक क्षमता परीक्षण, स्वास्थ्य परीक्षण तथा लिखित परीक्षाबाट १ हजार दुई सय १६ जना उम्मेदवार उत्तीर्ण भइसकेका छन्।
