निष्पक्ष र विश्वसनीय खबरको सँगालो 
Khabar Punja
११ बैशाख २०८३, शनिबार
दमौली, ११ वैशाख । पृथ्वीराजमार्ग अन्तर्गत तनहुँको शुक्लागण्डकी नगरपालिका–७ शेरामा आज दिउँसो भएको बस दुर्घटनामा मृत्यु भएकामध्ये एक जनाको पहिचान खुलेको छ ।
मृत्यु हुनेमा तनहुँको म्याग्दे गाउँपालिका–१ बस्ने ६५ वर्षीया जसमाया सुनार रहेकोे जिल्ला प्रहरी कार्यालय तनहुँका प्रहरी नायब उपरिक्षक श्रवणकुमार विकले जानकारी दिए । उनका अनुसार अर्का मृतक ३० वर्षीया महिलाको सनाखत हुन बाँकी रहेको छ ।
पोखराबाट भैरहवातर्फ जाँदै गरेको ग २ ख १८३६ नम्बरको यात्रुवाहक बस चालकले नियन्त्रण गुमाइ सडकमै बस पल्टिँदा दुर्घटना भएको हो ।
