निष्पक्ष र विश्वसनीय खबरको सँगालो 
Khabar Punja
२० बैशाख २०८३, सोमबार
दमौली, १९ वैशाख । भानु नगरपालिका–५ सेपाबगैंचामा गएराति एक युवकले विभिन्न सवारीसाधनमा तोडफोड गरेको घटना सार्वजनिक भएको छ।
राति करिब १ बजे भानु–६ कटहरेदेखि सेपाबगैंचासम्मको क्षेत्रमा घरअगाडि पार्किङ गरी राखिएका स्कुल बस, इभी गाडी, मोटरसाइकल र स्कुटरमा एक युवकले खुर्पा प्रयोग गरी आक्रमण गर्दै हिँडिरहेको अवस्थामा स्थानीयले नियन्त्रणमा लिएका थिए।
स्थानीयवासीले नियन्त्रणमा लिएका ती युवकलाई तत्कालनै इलाका प्रहरी कार्यालय भानुलाई बुझाइएको थियो। आफूलाई भानु–७ बसन्तपुर निवासी बताउने उक्त युवक हाल प्रहरी नियन्त्रणमा रहेका छन्।
