निष्पक्ष र विश्वसनीय खबरको सँगालो 
Khabar Punja
२७ बैशाख २०८३, सोमबार
दमौली, २८ वैशाख । तनहुँ जिल्लामा शारीरिक सुगठन सङ्घ गठन भएको छ । जिल्ला खेलकुद विकास समिति तनहुँमा सोमबार उक्त सङ्घ गठनका लागि निवेदन दर्ता गरिएकामा समितिले उक्त सङ्घ गठनको प्रमाणपत्र प्रदान गरेको छ ।
उक्त सङ्घको अध्यक्षमा महेशकुमार श्रेष्ठ, उपाध्यक्षमा भरत श्रेष्ठ, सचिवमा अनिल अधिकारी, सहसचिवमा लक्ष्मी राना दराई, कोषाध्यक्षमा बालकृष्ण आले र सदस्यहरुमा अनिता पाण्डे, कमल दराई, शैलेश रिमाल र शिशिर थापा चयन भएका छन् ।
उक्त सङ्घ गण्डकी प्रदेश खेलकुद नियमावली २०७८ को नियम ६ को उपनियम (४) नियम ७ को उपनियम (४) बमोजिम दर्ता गरिएको छ ।
