निष्पक्ष र विश्वसनीय खबरको सँगालो 
Khabar Punja
३१ श्रावण २०८३, सोमबार
दमौली, ३१ साउन । तनहुँमा दुर्घटना न्यूनीकरण गर्ने उद्देश्यले जिल्ला प्रहरी कार्यालय र जिल्ला ट्राफिक प्रहरी कार्यालय तनहुँले संयुक्त रूपमा भारतीय सवारी साधनका चालकलाई सडक सुरक्षा सम्बन्धी सचेतना दिँदै आएका छन्।
साउन महिनामा दैनिक बिहान ६ बजेदेखि बेलुका ६ बजेसम्म जिल्लाका ६२ स्थानमा सञ्चालन गरिएको कार्यक्रममा ३ हजार १४९ वटा सवारी साधनका चालकलाई सडकको अवस्था, गति नियन्त्रण र मौसमको अवस्थालगायतका विषयमा सचेत गराइएको प्रहरीले जनाएको छ।
यसअघि असार महिनामा ३८ स्थानमा सञ्चालन गरिएको कार्यक्रममा ३ हजार १४८ वटा सवारी साधनका चालकलाई सचेतना दिइएको थियो। प्रहरीले राजमार्गमा हुने दुर्घटना न्यूनीकरणका लागि चालक सचेतना अभियानलाई निरन्तरता दिएको जनाएको छ।
