निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
तनहुँ : तनहुँको आँबुखैरेनी गाउँपालिकाका तीन जनालाई कोरोना सङ्क्रमण पुष्टि भएको छ । गण्डकी प्रदेश स्वास्थ्य निर्देशनालयले मङ्गलबार सार्वजनिक गरेको विवरण अनुसार आँबुखैरेनी गाउँपालिका वडा नं ३ का दुई महिला र एक पुरुषलाई कोरोना सङ्क्रमण पुष्टि भएको हो ।
आँबुखैरेनी गाउँपालिका वडा नं ३ का ४२, ४८ वर्षीया महिला र ५६ वर्षीय पुरुषलाई सङ्क्रमण पुष्टि भएको स्वास्थ्य निर्देशक डा. विनोदविन्दु शर्माले जानकारी दिनुभयो ।
कन्ट्याक्ट ट्रेसिङका आधारमा गरिएको परीक्षणमा उनीहरुलाई सङ्क्रमण देखिएको गाउँपालिकाका स्वास्थ्य शाखा प्रमुख अगमराज उपाध्यायले जानकारी दिनुभयो । उहाँका अनुसार सङ्क्रमितमध्ये एक जना मिर्गौलाका बिरामी हुन् । तीन जना नै हाल चितवनमा रहेकाले आइसोलेशनमा राख्नका लागि व्यवस्थापनको काम हुँदैछ ।
