निष्पक्ष र विश्वसनीय खबरको सँगालो 
Khabar Punja
२२ कार्तिक २०८१, शुक्रबार
तनहुँ : तनहुँको आँबुखैरेनी गाउँपालिका–४ खस्राङगाउँका ४१ वर्षीय राजकुमार गुरुङको गत भदौ ३१ गते मृत्यु भयो । परिवारका सदस्यहरुले सोही दिन गुरुङको शव घर नजिकैको चिहानडाँडामा गाडे ।
तर दुई दिनपछि प्रहरीले मृतक गुरुङको शव उत्खनन् गरेको छ । आफ्नै परिवारका सदस्यले हत्या गरी गुपचुप रुपमा लुकाउन शव गाडेको आशङ्कमाा गाेप्य सूचना पाएपछि प्रहरीले मृतक गुरुङको शव शुक्रबार उत्खनन् गरेको हो ।
इलाका प्रहरी कार्यालय आँबुखैरेनीका प्रहरी निरीक्षक विकास थापाको नेतृत्वमा पुगेको टोलीले शव उत्खनन् गरेर पोष्टमार्टका लागि दमौली अस्पताल ल्याएको जिल्ला प्रहरी कार्यालय तनहुँका प्रहरी नायब उपरिक्षक युवराज तिमिल्सिनाले जानकारी दिनुभयो ।
“घटना सम्बन्धमा प्रहरीलाई केही सूचना प्राप्त भएकाले अनुसन्धानका लागि शव उत्खनन् गरेर पोष्टमार्टका लागि ल्याएका हौ,” प्रनाउ तिमिल्सिनाले भन्नुभयो, “थप विवरण पोष्टमाटर्म रिपोर्ट आएपछि मात्रै भन्न सकिन्छ ।” प्रहरीले मृतक गुरुङको छोरा र छोराको सालोलाई अनुसन्धानका लागि नियन्त्रणमा लिएको छ ।
साङ्केतिक तस्वीर
