निष्पक्ष र विश्वसनीय खबरको सँगालो 
Khabar Punja
२ पुष २०८१, बुधबार
तनहुँ : तनहुँको म्याग्दे गाउँपालिका–४ थर्पुमा रहेको सुप्रिम बचत तथा ऋण सहकारी संस्थाले गुणादीमा सेवा केन्द्र स्थापना गरेको छ । सर्वसाधारणलाई सहज तरिकाले सेवा प्रवाह गर्ने उद्देश्य सहित सहकारीले म्याग्दे गाउँपालिका–१ गुणादीमा सेवा केन्द्र स्थापना गरेको हो ।
विस्तार गरिएको सेवा केन्द्रको आइतबार गाउँपालिकाका उपाध्यक्ष बालकृष्ण घिमिरेले उद्घाटन गर्दै सहकारी संस्था सहकारीको मूल्य, मान्यता र सिद्धान्त अनुसार सञ्चालन गर्नुपर्नेमा जोड दिनुभयो ।
विसं २०६५ सालमा स्थापना भएको सहकारीमा ९ सय ८२ शेयर सदस्य आबद्ध छन् । सहकारीका उपाध्यक्ष मनोज अधिकारीले स्थानीयवासीको माग बमोजिम गुणादीमा सेवा केन्द्र विस्तार गरिएको जानकारी दिनुभयो ।
