निष्पक्ष र विश्वसनीय खबरको सँगालो 
Khabar Punja
११ मंसिर २०८१, बुधबार
पोखरा : छात्रालाई होटलमा लगेर परीक्षा लिने तीन जना शिक्षक पक्राउ परेका छन् । पोखरा–१ टुँडिखेलस्थित राष्ट्रिय माविका प्रधानाध्यापकसहित तीन जना शिक्षक पक्राउ परेका हुन् । पक्राउ पर्नेहरूमा प्रधानाध्यापक सूर्य तिवारी, शिक्षकहरू घनश्याम रेग्मी र शिरिषकुमार बस्ताकोटी रहेको कास्की प्रहरीले जनाएको छ । उनीहरूलाई पाँच दिन हिरासतमा राखेर अनुसन्धान गर्न जिल्ला अदालतले आदेश दिएको छ ।
उनीहरूलाई शिक्षा ऐन २०२८ अनुसार मुद्दा दर्ता गर्ने प्रक्रिया अगाडि बढाइएको कास्की प्रहरी प्रवक्ता डीएसपी सुवास हमालले बताउनुभयाे । शिक्षक बस्तोकोटी र रेग्मीले एक छात्रालाई मंसिर ११ गते होटलमा लगेर अंग्रेजी र पेडागोजी विषयको परीक्षा दिन लगाएका थिए ।
परीक्षामा प्रधानाध्यापक तिवारी केन्द्राध्यक्ष रहेका थिए । रेग्मी सहायक केन्द्राध्यक्ष थिए । उनीहरू दुवै जनाको मिलेमतोमा शिक्षक बस्ताकोटीले लेखनाथ बजारको एक होटलमा लगेर ती छात्रालाई परीक्षा लेख्न लगाएको छानविन समितिले निष्कर्ष निकालेको थियो ।
