निष्पक्ष र विश्वसनीय खबरको सँगालो 
Khabar Punja
१७ माघ २०८१, शुक्रबार
तनहुँ : पृथ्वीराजमार्ग अन्तर्गत तनहुँको आँबुखैरेनी सडकखण्डमा बोलेरो जीपको ठक्करबाट घाइते मोटरसाइकल चालकको उपचारको क्रममा मृत्यु भएको छ । मृत्यु हुनेमा चितवनको भरतपुर महानगरपालिका–२१ बस्ने २३ वर्षीय सन्जय नेपाली रहेको प्रहरीले जनाएको छ ।
गम्भीर घाइते भई पुरानो मेडिकल कलेज भरतपुरमा उपचार भइरहेकामा निजको उपचारको क्रममा मृत्यु भएको जिल्ला प्रहरी कार्यालय तनहुँले जनाएको छ । आँबुखैरेनी गाउँपालिका–१ सत्रसयस्थित राजमार्गमा शुक्रबार दिउँसो ग १ ज ७२३२ नम्बरको बोलेरो जीपको ठक्करबाट प्रदेश नं २–०३–१२ प ४४२९ नम्बरको मोटरसाइकल चालक घाइते भएका थिए ।
