निष्पक्ष र विश्वसनीय खबरको सँगालो 
Khabar Punja
२ मंसिर २०८१, सोमबार
तनहुँ : अखिल नेपाल फुटबल सङ्घ (एन्फा) ले तनहुँ जिल्लाभित्रका १३ वर्षमुनिका फुटबल खेलाडी छनौट गर्ने भएको छ । यही माघ २४ गते व्यास नगरपालिका-१ हाइस्कुलटार स्थित निर्मल माविको प्राङ्गणमा खेलाडी छनौट गरिने गण्डकी प्रदेशका महिला प्रशिक्षक सोम थापा मगरले जानकारी दिनुभयाे ।
अखिल नेपाल फुटबल सङ्घले २०७८ सालदेखि क्लबहरुसँग सहकार्य गरी एकेडेमी संचालन गर्ने भएकाले १३ वर्ष भन्दा कम उमेरका खेलाडी छनौट गर्न लागेको उहाँले बताउनुभयाे । योग्यता पुगेका इच्छुक खेलाडीहरुलाई सहभागिताका लागि आग्रह गरिएको अखिल नेपाल फुटबल सङ्घले जनाएको छ ।
सहभागी हुन चाहने खेलाडीहरुको जन्म मिति २०६५ असोज १५ देखि २०६६ असोज १४ गतेको बिचमा हुनुपर्ने, खेलाडीले आफ्नो नाम दर्ता गर्दा अनिवार्य रुपमा आफ्नो जन्मदर्ताको प्रमाणपत्र पेश गर्नुपर्नेछ । उक्त खेलाडी छनोट कार्य माघ मसान्तभित्रमा सम्पन्न गरिनेछ । सशस्त्र प्रहरी, बल नेपाली सेना र नेपाल प्रहरीले एकेडेमी सञ्चालन गर्न लागेकाले जिल्ला जिल्लामा १३ वर्षमुनिका खेलाडी छनोट कार्यलाई अगाडि बढाइएको बताइएको छ ।
