Khabar Punja

तनहुँ : तनहुँको म्याग्दे गाउँपालिका–४ स्थित आदर्श नमूना क्लवको आयोजनामा सोमबारदेखि शुरु नवौ आदर्श तथा चौथो तारा स्मृति कपको उदघाटन खेलमा दमौलीस्थित न्यु स्टार क्लव विजयी भएको छ । छाङ हटिया र न्यु स्टारबीच भएको खेलमा न्यु स्टार ३–१ ले विजयी भएको हो ।

त्यस्तै सोमबार नै भएको दोस्रो खेलमा नवदिप बैरेनी विजयी भएको छ । छाङ गैह्रा र नवदिपबीच भएको खेलमा निर्धारित समयमा गोल हुन नसकेपछि खेल ट्राइबेकरमा पुगेको थियो । ट्राइबेकरबाट नवदिप २–१ ले विजयी भएको क्लवका अध्यक्ष गौरवराज रानाले जानकारी दिनुभयो । प्रतियोगितामा २६ टिमको सहभागिता छ । प्रतियोगिताका विजेताले नगद रु एक लाख एक र उपविजेताले नगद रु ५० हजार एक प्राप्त गर्नेछ ।