निष्पक्ष र विश्वसनीय खबरको सँगालो 
Khabar Punja
१६ माघ २०८१, बिहीबार
दमौली : तनहुँ उद्योग वाणिज्य सङ्घको नयॉ अध्यक्ष चयनका लागि मतदान शुरु भएको छ । सङ्घको १६ औ अधिवेशन अन्तरगत शनिबार बिहान ८ बजेदेखि मतदान शुरु भएको हो ।
मतदान सॉझ ४ बजेसम्म चल्नेछ । सङ्घमा करिब १ हजार ९ सय मतदाता छन् । शनिबार बेलुकाबाटै मतगणना शुरु हुनेछ ।
अध्यक्ष पदका लागि पविन्द्रकुमार श्रेष्ठ र बैकुण्ठनाथ मिश्रबीच प्रतिस्पर्धा हुनेछ । दुवै उम्मेदवारले जिल्लाका विभिन्न ठाउँमा पुगेर मतदाता भेटघाट गरिसकेका छन् ।
सङ्घको प्रथम उपाध्यक्ष, द्वितीय उपाध्यक्ष, कोषाध्यक्षमा, वस्तुगत सदस्य र एसोशिएट सदस्य भने निर्विरोध निर्वाचित भइसक्नुभएको छ ।
