निष्पक्ष र विश्वसनीय खबरको सँगालो 
Khabar Punja
६ मंसिर २०८१, शुक्रबार
काठमाडाै : नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमालेका नेता माधवकुमार नेपालबीच गोप्य भेटवार्ता भएको छ । प्रचण्ड र नेता नेपालबीच कोटेश्वरस्थित चन्द्रलाल श्रेष्ठको घरमा भेटवार्ता भएको हो । नेता नेपाल शनिबार बिहान झापाबाट फर्किएलगत्तै भएको भेटवार्तामा माओवादी नेता नारायणकाजी श्रेष्ठ प्रकाश पनि सहभागी हुनुहुन्छ ।
श्रोतका अनुसार भेटमा पछिल्लो राजनीतिक परिवेश र भावी रणनीतिबारे छलफल भएको छ । प्रधानमन्त्री केपी शर्मा ओलीको आह्वानमा शनिबार ११ बजे सर्वदलीय बैठक बस्दैछ । त्यसअघि नेपाल र प्रचण्डबिच गोप्य वार्ता भएको हो ।
ओलीले बोलाएको सर्वदलीय बैठक बहिस्कार गरेका प्रचण्डले एमालेबाट निलम्बित नेता नेपालसँग भेट गर्नुलाई अर्थपूर्ण रुपमा लिइएको छ ।
