निष्पक्ष र विश्वसनीय खबरको सँगालो 
Khabar Punja
१२ मंसिर २०८१, बिहीबार
तनहुँ : तनहुँको म्याग्दे गाउँपालिकाले आयोजना गरेको तेस्रो राष्ट्रपति रनिङशिल्ड प्रतियोगिताको उपाधि राधा माध्यमिक विद्यालयले जितेको छ । विभिन्न खेल विधामा २३ पदक जित्दै राधाले प्रतियोगिताको उपाधि जितेको हो ।
प्रतियोगितामा राधाले १२ स्वर्ण, ७ रजत र ४ कास्य पदक हात पारेको छ । गणपति मावि ६ स्वर्ण, ३ रजत र ७ कास्य पदक जित्दै द्वितीय हुन सफल भएको छ । मिन मावि ५ स्वर्ण, ६ रजत र १० कास्य पदक जित्दै तेस्रो हुन सफल भएको छ ।
प्रतियोगितामा गाउँपालिकाभित्रका ९ माध्यमिक विद्यालयमध्ये आदर्श बोर्डिङ र मेघदह बाहेकका विद्यालयको सहभागिता थियो । प्रतियोगिताका विजेतालाई लोकतन्त्रको दिवसको अवसरमा वैशाख ११ गते पुरस्कार वितरण गरिने गाउँपालिकाका उद्योग शाखा प्रमुख प्रदिप न्यौपानेले जानकारी दिनुभयो ।
