निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
एजेन्सी : शुक्रबार रातिदेखि सुरु भएको युइएफए युरो २०२० को पहिलो खेलमा टर्कीलाई ३-० ले पराजित गरेसँगै इटालीले प्रतियोगितामा शानदार सुरुआत गरेको छ ।
इटालीको रोमस्थित स्टाडियो ओलिम्पिकोमा भएको उद्घाटन खेलमा इटालीलाई जित दिलाउन सिरो इम्मोबिले र लोरेन्जो इन्सिग्नेले १/१ तथा टर्कीका डिफेन्डर मेरी डेमिरलले एक आत्मघाती गोल गरे ।
पहिलो हाफ गोलरहित बराबरीमा टुङ्गिएको खेलको ५२औं मिनेटमा इटालीका डोमेनिको बेराडीले प्रहार गरेको बलमा डेमिरलले आत्मघाती गोल गरेका थिए ।
आत्मघाती गोलसँगै खेलमा अग्रता लिएको इटालीका लागि ६६औं मिनेटमा इम्मोबिलेले गोल गर्दै अग्रता दोब्बर पारेका थिए । त्यसको १३ मिनेट नबित्दै इन्सिग्नेले इटालीका लागि गोल गर्दै ३-० को जित सुनिश्चित गरे ।
जितसँगै समूह ‘ए’मा शानदार सुरुआत गरेको इटालीले दोस्रो खेलमा बिहीबार स्वीटजरल्यान्डको सामना गर्नेछ भने टर्कीले बुधबार वेल्ससँग खेल्ने छ ।
