निष्पक्ष र विश्वसनीय खबरको सँगालो 
Khabar Punja
१७ मंसिर २०८१, मंगलवार
दमाैली : व्यास नगरपालिका–९ निवासी ९८ वर्षीया एक वृद्धाले कोरोना जित्नुभएको छ । गत जेठ १७ गते एन्टिजेन परीक्षण गर्दा कोरोना सङ्क्रमित हुनुभएकी ती वृद्धाले सोमबार कोरोना जित्नुभएको हो ।
सोही दिन एन्टिजेन परीक्षण गर्दा उहाँ सहित ६ जनालाई कोरोना सङ्क्रमण पुष्टि भएको थियो । होम आइसोलेशनमा बसेरै उहाँहरु सबै कोरोनामुक्त हुनुभएको व्यास–९ का कोभिड फोकल पर्सन देविन्द्र कार्कीले जानकारी दिनुभयो ।
उहाँका अनुसार यस वडामा ८६ जनाको पिसिआर र एन्टिजेन परीक्षण गरिएकामा ३५ जना सङ्क्रमित भएका थिए । त्यसमध्ये २८ जना निको भएका छन् भने सक्रिय सङ्क्रमित ७ जना छन् ।
