निष्पक्ष र विश्वसनीय खबरको सँगालो 
Khabar Punja
२९ कार्तिक २०८१, शुक्रबार
दमाैली : निर्वाचन क्षेत्र पूर्वाधार विकास कार्यक्रम अन्तर्गत चालु आर्थिक वर्षमा सञ्चालित विभिन्न योजनाको सोमबार अनुगमन गरिएको छ ।
कार्यक्रम अन्तर्गत व्यास, बन्दीपुर र आँबुखैरेनीमा सञ्चालित विभिन्न योजनाको गण्डकी प्रदेश सभा सदस्य सरिता गुरुङको नेतृत्वमा अनुगमन गरिएको हो । अनुगमनमा जिल्ला समन्वय समितिका प्रमुख शान्तिरमण वाग्ले, सदस्य एवं प्रवक्ता गलबहादुर गुरुङ, सम्बन्धित पालिकाका उपप्रमुख, वडाध्यक्ष, पूर्वाधार विकास कार्यालयका अधिकृत दधिराज पौडेल, इन्जिनियर ओमप्रकाश गिरी लगायतको उपस्थिति थियो ।
उक्त टोलीले आँबुखैरेनी–३ स्थित अलस्टार क्लवको भवन, आँबुखैरेनी–२ स्थित ढकालटार चक्रपथ नाला निर्माण, बन्दीपुर–१ स्थित भुडाटार खानेपानी योजना, सोही वडाकोा बन्दीपुर महिला विकास बहुउद्देश्यीय सहकारी भवन, गिरनचौर खेलमैदान, बन्दीपुर–४ स्थित पातलेद्वार राम सीता मन्दिर र व्यास–१ स्थित चारकुने मोटरमार्ग, सोही वडाको पहेले कुवा मोटरमार्गको अनुगमन गरेको जिल्ला समन्वय समितिका प्रवक्ता गुरुङले जानकारी दिनुभयो ।
