निष्पक्ष र विश्वसनीय खबरको सँगालो 
Khabar Punja
१३ मंसिर २०८१, शुक्रबार
दमौली । पूर्व गृहमन्त्री तथा नेपाली काँग्रेसका नेता गोविन्दराज जोशीले तेस्रो चरणको १० दिने गृह जिल्ला भ्रमण तालिका सार्वजनिक गरेका छन् । नेता जोशी पुस १८ देखि २७ गते सम्मको जनता भेटघाट कार्यक्रम अन्तर्गत गृह जिल्ला आउन लागेका हुन् ।
नेता जोशीले आँबुखैरेनी, कुमालटारी, कलेस्तीदोभान, क्यामिन, पुलिम¥याङ, मेवाबारी, नारायणचौर, टुटेपानी, देवघाट, कोटा, छिपछिपे, साराङघाट, घुमाउने, प्युघर, लगायतका स्थानका जनतासँग भेटघाट गर्ने कार्यक्रम रहेकाे छ ।
नेपाली काँग्रेस तनहुँका सस्थापक सचिव समेत रहेका नेता जोशीलाई वर्तमान पार्टी नेतृत्वले अन्यायपूर्ण ढंगले साधरण सदस्यता समेत नरहने गरी गरिएको कारबाहीमा तनहुँ काँँग्रेसका नेता तथा कार्यकर्ता रुष्ट छन् ।
यसै सन्दर्भमा आगामी स्थानीय, प्रदेश तथा संघीय निर्वाचनलाई मध्य नजर राखि जनताको अभिमत बुझ्न नेता जोशीले दुई चरणको भ्रमण गरिसकेका छन् । १९ वर्ष देखि सत्ता बाहिर रहनु भएका जोशी विकासवादी नेताको रुपमा जिल्लामा सूपरिचित छन् ।
