निष्पक्ष र विश्वसनीय खबरको सँगालो 
Khabar Punja
१ मंसिर २०८१, आईतवार
दमाैली । नवौं राष्ट्रिय खेलकुद अन्तर्गत बागलुङमा सम्पन्न आइटिएफ तेक्वान्दोमा तनहुँले तीन रजत पदक जितेको छ । गण्डकी प्रदेशको प्रतिनिधित्व गर्दै तनहुँबाट सहभागी चार मध्ये तीन खेलाडीले रजत पदक जितेका हुन् ।
निलो पेटी एकल प्याट्रनमा भिमाद–६ की मोनिका कुंवरले रजत पदक जितिन् । पुरुष टिम प्याट्रनमा भिमाद–५ ऋषिङपाटनका गोपाल चन्दले रजत र ८०–८५ केजी स्पाइरिङमा शुक्लागण्डकीका सोमबहादुर गुरुङले रजत पदक जितेका हुन् ।
आइटिएफ तेक्वान्दोतर्फ गण्डकी प्रदेश तेस्रो हुन सफल भएको छ । गण्डकी प्रदेशले पाँच स्वर्ण, सात रजत र दुई कास्य पदक जितेको तनहुँ आइटिएफ तेक्वान्दोका अध्यक्ष आकाशचन्द्र घर्ती मगरले जानकारी दिए ।
