निष्पक्ष र विश्वसनीय खबरको सँगालो 
Khabar Punja
२५ पुष २०८१, शुक्रबार
दमौली । संविधानसभा सदस्य झुलबहादुर आलेको निधन भएको छ । तनहुँको ऋषिङ गाउँपालिका निवासी आलेको उपचारका क्रममा काठमाडौमा निधन भएको हो ।
फोक्सोको समस्याबाट पीडित रहेका आलेको निधन भएको नेपाली काङ्ग्रेस तनहुँका सचिव लक्ष्मीभक्त खनालले जानकारी दिए । खनालका अनुसार आलेको पार्थिव शरीर दिउँसो २ बजे पार्टी कार्यालयमा राखिनेछ ।
नेपाली काङ्ग्रेस तनहुँका महासमिति सदस्य रहेका आले दोस्रो संविधानसभाको सदस्य थिए ।
