निष्पक्ष र विश्वसनीय खबरको सँगालो 
Khabar Punja
१५ मंसिर २०८१, आईतवार
दमौली । रोटर्याक्ट क्लव अफ दमौलीले यस वर्ष पनि सचिन स्मृति दौड प्रतियोगिता गर्ने भएको छ । क्लवका संस्थापक सचिन स्व. सचिन श्रेष्ठको स्मृतिमा क्लवले फागुन १९ गते दमौलीदेखि छाब्दीसम्म दौड प्रतियोगिता गर्न लागेको हो ।
व्यास नगरपालिका–३ अनसनचौतारादेखि व्यास नगरपालिका–१४ छाब्दीसम्मको नौ किलोमिटर दूरी दौड हुने क्लवका सचिव उमेश पौडेलले जानकारी दिए ।
प्रतियोगितामा प्रथम, द्वितीय र तृतीय हुनेलाई क्रमश: रु १५ हजार, रु १२ हजार र रु आठ हजार पुरस्कार प्रदान गरिनेछ ।
सन् २००३ देखि क्लवले हरेक वर्ष स्व. श्रेष्ठको सम्झनामा खुल्ला दौड प्रतियोगिता आयोजना गर्दै आइरहेको छ । क्लवको कार्यक्रममा भारतको कलकत्ता जाने क्रममा वीरगञ्जमा बस दुर्घटनामा परी श्रेष्ठको निधन भएको थियो । क्लवले हरेक वर्ष सचिनको स्मृतिमा दौड र रक्तदान कार्यक्रम गर्दै आइरहेको छ ।
